Alles begann im 19. Jahrhundert an einem frühsommerlichen Herbsttag, in einem kleinen Städtchen Namens Bad Ischl. Es waren sieben Zwerge die einmal gute Freunde werden wollten. (häää?!)
De wahre Gschicht is das se 1999 de ersten 6 scho kennt hobm, des woa da Mike, Chri, Fitsch, Budi, Flo und da Stöööf bis donn noch einiger Zeit se unsa Lineup durchn Thomsl „mit seiner weissen Hosn“ (Insider) vavoiständigt hod. Scho boid is uns kloa woan mia san de neichn Kinda vom Bahnhof-Zoo und hobm uns zum feiern dort a gschmohs Bankerl gsuacht und mit billigem Whiskey orn drüber zogn. Goa ned long hots dauert, a paar hobn scho goarbat a paar worn in da Schui und in Rest hods oafoch ned oabeiten gfreit, aber trotzdem haben ma uns des Orne oder Ondere Getränk leistn kinna. Des damalige Lug geführt vom Maxl und Heli wor unsa 2tes Dahoam (zumindest am Wochenende). Wir lernten uns immer besser kenna und san uns boid amoi kloa worden das ma aus dera „Grossen Familie“ wos mochn mua. Haben uns immer öfter troffen zu ana Gscheitn Huck.
Unsere Organisation mit Festl, Geburtstagsfeiern usw. is immer professioneller woan. Silvester 2000 haben ma scho unter an „Richtigen Dach“ gfeiert und zwor beim Mike in da Bar. Danach wor in Chri sei 18. Geburtstag denn ma 2001 mit an husign Rausch in da Rettenbachalm gfeiert haben. Es wor recht witzig olle worn guad drauf und de erste Homepage ist online gonga.
2002 hod uns da Flo verlassen und is ind Schweiz zogn um sei Wissen
in da Berufsbranche zu erweitern. Wir san trotzdem alle beinnond blieben
und hobm fleissig weiter gfeiert, hobm uns gfreit won da Flo von Zeit
zu Zeit do woa, hobm uns oba um so mehr gfreit won wieda gfoan is. ;-)
Nachdem ma ned nur beim Feiern gemeinsam unterwegs worn, hods sa se mit
da Zeit so entwickelt das da Grossteil in da gleichen Firma wor.
Am Anfang wor da Stöööf der a Lehr ogfangt hod boid dannach
is da Chri ois Lehrbua dazukemma, da Flo is 2004 wieder aus da Schweiz
zruckkumma, da Fitsch is ois Lagerrist herbeigetreten und da Mike wor
sowieso im Haus. Somit wor nurmehr da Thomsl ois Funkenschuster im Aussendienst
beim Promberger und da Budi ois Aushüfsschüler in da Hak.
Noch dem ma oba trotzdem durch Orbeit vü Stress ghobt hobm, hobm
ma uns des ned nema lossn das ma 2004 a große Herbstparty gmocht
hobm de über 3 Tog gonga is bei der mehr ois 100 Gäste do woan.
2005 erst wieder a Festl beim Chri und kurz darauf im Lauko Keller, de
beide gern besucht worden san. San olle miteinander auf Festival, div
Konzerte gfoahn und der Spass is a nia zweng gwen, nur monchmoi des Bier.
Durch des das ma uns alle scho so long kennan hod uns des eher defensive
feiern in da Zeit von 2005 – 2007 nix ausgmocht.
Da Fitsch und da Stöööf hobm jetzt an anderen Job, da Budi
arbeitet hat 2 Kids und ist verheiratet, sonnst is alles beim alten.
Jetzt haben ma einiges vor und wünschen euch viel Spass mit uns.
Feierts gscheit mit!!! Jiihaaa!
Mit Freundlichen Grüssen
Die Glorreichen Sieben
